காலக்கிறுக்கன்

கேளடி கண்மணி...

2011-12-16T13:50:00.001+03:00

கவிஞர் வாலின் வரிகளுக்கு,

உயிர் தந்த இசைஞானியின் இசையில், எஸ்பிபியின் குரலில்,

கலந்து வந்து

நம் அனைவரையும் கொள்ளை கொண்ட

மற்றுமொறு பாடலைப்பாடி பார்த்தேன்........

நீங்களும் தான் கேட்டுபாருங்களே!,

கேட்டு திட்டி தீருங்கள்.

இன்னுமொரு வாத்திய இசை.....

2011-12-04T09:27:00.000+03:00

இது எனது மற்றுமொரு வாத்திய இசை,

இசைஞானியின்.... இசையில் இன்று வரை அனைவரையும் கவர்ந்த பாடல், எல்லா கிட்டார் வாத்திய கலைஞர்களையும் தொட்ட பாடல்...
கேட்டு பார்த்து சொல்லுங்கள் எப்படி என்று...

வாழ்த்துகளுடன்....
ஜோசப் இருதயராஜ்

இசை

2011-08-28T15:20:00.000+03:00

கிட்டார் இசையில் என்னை தாலாட்டும்...... பாடலை கேட்க விரும்பினால்

படம் உன்னை நினைத்து.
இசை சிற்பி

எப்படி இருக்கு?

பிடித்திருந்தால் கருத்து சொல்லீட்டு போங்க!

அன்புடன்
ஜோசப் இருதயராஜ்

2011-08-26T12:39:00.001+03:00

ஆர்வகோளாறு என்று சொல்வார்களே இதன் விவு தான் இது. கையளவு கூட வசதிகள் இல்லாது இருந்தாலும், மலையளவு செய்ய நினைப்பவனின்... பதிவு.,

இந்த பாடலை உருவாக்கிய கவிஞர் ஐயா, இசையூட்டிய இசைஞானி, குரல் கொடுத்த டாக்டர் கேஜே. ஜேசுதாஸ் ஆகியோரை வியப்பதில் வியப்பேயில்லை.

கேட்டு பார்த்து விட்டு சொல்லுங்கள் எப்படி இருக்கிறது என்று. உங்கள் யோசனைகள் என்னை தூக்கி நிறுத்தட்டும்.

உறவுகள் தொடர்கதை

வாழ்த்துகளுடன்.

ஜோசப் இருதயராஜ்

பத்தாண்டுகள் கரைந்துவிட்டன.....

2011-04-09T17:45:00.004+03:00

பத்தாண்டுகள் கரைந்துவிட்டன

இது கவியோ இல்லை வசனமோ யான் அறியேன்
ஆனால்

மத்திய கிழக்கில் தொழில் பார்க்கும் ஒவ்வொருவரதும் வாழ்விலும்

கொஞ்சமாவது இந்த வார்தைகள் ஒட்டியிருக்கும் என நம்புகிறேன்.

படித்துவிட்டு புடிச்சிருந்தா ஏதாவது சொல்லீட்டு போங்க........

பத்தாண்டுகள் கரைந்துவிட்டன
பணம் தேடி வந்து

இந்த மண்ணுக்கு….

வருடங்கள் இரண்டு மட்டும் இருந்து விட்டு

திரும்பி விடவேண்டும் எப்படியும் ஊருக்கு.–

எடுத்த சபதம்.

வந்த நாளே இந்த ஊருக்கு.

கழிந்தது என்னவோ நாட்காட்டியில் தாள்களும்

கூடவே வயதும்

வாழ்வும் உறவும் ஊர் நட்பும்

கண்ட(து)தெல்லம் தேவைகளாகி

பணம் மட்டுமே தேவை என்றாகி

பத்தாண்டுகள் கரைந்துவிட்டன

பணம் தேடி வந்து இந்த மண்ணுக்கு

ஒவ்வொரு முறையும்

விடுமுறையில் வீடு போனால்

முதல் சந்திப்பில்

காண்போரெல்லாம் கேட்பது

”எப்போ வந்தீங்க”

கேள்வி சுகமாக இருக்கும்

இரண்டாம் மூன்றாம் தடவையில்

”எப்போ போரீங்க திரும்ப”-

பழகிவிட்டது இதுவும் மனசுக்கு

பத்தாண்டுகள் கரைந்துவிட்டன

பணம் தேடி வந்து இந்த மண்ணுக்கு

இன்று

என் கடவுசீட்டில்

ஏடுகள் இல்லை

விடுமுறை விசா முத்திரை குத்த-

விண்ணப்பித்து விட்டு வந்தேன்

இன்னொரு புது கடவுசீட்டுக்கு

நாட்டைவிட்டு போய்விட அல்ல

மீண்டும் போய்வர.

பத்தாண்டுகள் கரைந்துவிட்டன

பணம் தேடி வந்து இந்த மண்ணுக்கு

சேர்த்ததென்வோ

குருதியில் சர்கரை

கொலஸ்ட்ரோல் விகித சமமின்மை

வைத்தியரின் மருந்து சீட்டுகள்

வகை வகையான மாத்திரைகள்

பத்தாண்டுகள் மட்டும் கரைந்துவிட்டன

பணம் தேடி வந்து இந்த மண்ணுக்கு.

இழந்தவை பட்டியலில்

எதை சேர்ப்பது எதை விடுவது

என்ற விவாதத்திலேயே

பத்தாண்டுகள் கரைந்துவிட்டன

பணம் தேடி வந்து இந்த மண்ணுக்கு.

எதிர்காலம் என்னவோ

தெளிவின்றி தெரிகிறது

விரிந்து பரந்து எங்கள் முன்னால்

இந்த பாலைநிலம் போல்…….

பத்தாண்டுகள் கரைந்துவிட்டன

பணம் தேடி வந்து இந்த மண்ணுக்கு.!

2 கோடி மக்கள் மற்றவர்களை மகிழ்விக்க

2011-04-05T17:44:00.002+03:00

இலங்கை 2 கோடி மக்கள் தொகை கொண்ட நாடு.

இத்தனை சின்னநாடு 120 கோடி இந்திய மக்களை மகிழ்ச்சி அடைய செய்ததற்காக நான் பெருமைப்படுகிறேன்……..

இப்படி தான் இலங்கை ஜனாதிபதி கிரிகெட் வீரர்களுக்கான தனது விருந்துபசார நிகழ்வில் பேசியதாக செய்திகள் வெளிவருகின்றன.

போய் பார்க்க என்னான்னு

என் தனிபட்ட கருத்து என்னவெனில்

120 கோடி மக்கள் வேறு ஏதாவது காரணங்களுக்காக ஆசைபட்டாலும் நாம் விட்டு கொடுக்கவேண்டுமா?... அவர்கள் மகிழ்ச்சி தான் பிரதானம் என்றால் நாம் எங்கு இருக்கிறோம்?... எமது இறைமை, சுதந்திரம், தன்மானம் என்னவாவது?.

இதனால் வேறு சந்தேகங்களும் எழ வாய்பளிக்கின்றன…. ஒரு வேளை அத்தொகை மக்களின் மகிழ்ச்சிக்காவும் அரசியல் இறைமைக்கு பங்கம் வந்துவிடகூடாது என்ற உயரிய நோக்கில் தான் ஒரு இனத்தின் ஒரு பாதி பேரை அழித்தாரா?.

தனித்தாயகம் என்ற கோட்பாடு எப்போது எந்த காலகட்டத்தில் ஏன் எதனால் வந்தது என்பதை சற்று பதட்டபடாமல் நின்று நிதானித்தால் தெரியவரும். யார் மகிழ்ச்சிக்கு யார் வித்திட்டார்கள் என்று. உள்வீட்டு சண்டையை நாட்டு சண்டையாக்கி அதை பிராந்திய ஆதிக்கத்திற்கு சாதகமாக மாற்றியது மட்டுமல்லாது, தன்வீட்டுக்குள் யாரும் இது போன்ற கோரிக்கைகளை கொண்டிருக்க கூடாது என்ற தாயாள குணம் கொண்ட அத்தொகை மக்களின் மகிழ்ச்சி தான் நமக்குள் பிரதானம். அது தான் வேறு எதையும் பற்றி யோசிக்காமல் நமக்குள் அடித்துக்கொண்டோம், மட்டுமல்லாது நம்முள்ளும் அடித்துகொண்டோம் இன்னமும் அடிபடுகிறோம்.

அதற்கு கொடுத்த விலை தான் இன்று நாம் இருக்கும் நிலைமை. யாராவது இதை யோசித்தோமா இல்லை யோசிக்கிறோமா?. இந்த நிலைக்கு நாம் விரும்பியோ விரும்பாமலோ நிர்பந்திக்க படுவோம் என்று.

யார் காரணம் இதற்கு நாம் இருவரும் தான் காரணம். வேறு யாரும் இல்லை.

விளையாட்டை கடந்து… மற்ற விடயங்களை பற்றி யோசித்து பாருங்கள், இனி நாம் இருவருமே மற்ற எல்லாரது சுகங்களுக்கும், விருப்பங்களுக்கும் மகிழ்ச்சிக்கும் விலை போகக்கூடிய நிலையில் தான் வைக்கபட்டுள்ளோம் அல்லது அந்த நிலைமைக்கு ஆக்கபட்டுள்ளோம் என்பது தெரியவரும். இது தான் உண்மை. இதை மறுக்க முடியுமா?....

பிராந்திய அரசியல், கேந்திர முக்கியத்துவம் இதை பற்றி நமக்கு கவலையில்லை. தன் பலம் தெரியாத யானை மாதிரி.

பாருங்கள். எல்லாம் நாங்கள் தான் என்று மார்தட்டிக்கொள்ளும் நட்சத்திர கூட்ட கொடிகொண்ட நாட்டை, எனக்கு தெரிந்தவரையில் முதலில் வியட்னாம், பின்னர் ஈராக், ஆப்கானிஸ்தான் இப்போது லிபியா. தன் நாட்டு மக்களின் பொருளாதார மகிழ்ச்சிக்கு தானே இத்தனை சப்பைகட்டுகளும், தகிடுத்தங்களும். யார் ஆட்சிக்கு வந்தாலும் தன் நாட்டு கொள்கையில் மாற்றமில்லை, இந்தமாதிரி தான் இந்த ஆசிய பிராந்திய அரசியலும் என்பது நமக்கு மட்டும் பரியவேமாட்டேன்கிறது ஏனோ தெரியவில்லை.

நம்மை (இலங்கையை) யார் தனது முழு கண்காணிப்பில், தன் மக்களின் மகிழ்ச்சிக்கு பயன்படுத்தலாம் என்பது தான் இன்றைய தேதியின் ஆசிய பிராந்திய அரசியல் காய் நகர்த்தலின் நோக்கம்.

இதையுணர்ந்து நாம் எல்லாரும் செயற்பட்டாலொழிய திருந்தவோ, தப்பிக்வோ வாய்பேயில்லை. நாம தெரிந்தும் தெரியாமலும் ஒரே வீட்டில் எதிரியானது, எதிரியாகிறது, இன்னமும் இது தொடர்வது நாம மற்றவரின் மகிழ்ச்சிக்கு கொடுக்கும் விலை…

அடுத்த வாரம் இன்னும் யாரோவெல்லாம் வாராங்களாம்ஈ அவர்களதும் அவர்களது மக்களின் மகிழ்ச்சிக்கும் நாம என்னாத்த கொடுக்க போகிறோமோ.

அட போங்கப்பா நிறைய வருகிறது எழுத, ஆனால் வார்தைதான் வரமாட்டேன்கிறது.

இந்த இடத்தில் இன்னுமொரு அதிமுக்கிய சந்தேகம், ஒரு நேரம் விளையாட்டு மைதானத்தில் சென்ற விருந்தினரை ஒப்புக்காவது அத்தொகை மக்களின் உயர் அமைச்சர் உபசரித்து, கௌரவித்து, கொஞ்சம் ஆரவாரம் காட்டியிருந்தால் இந்த வார்தை வெளியில் வந்திருக்குமோ என்னமோ? அப்படி ஏதும் ஆகியிருந்திருக்குமானால் எல்லாரையும் மகிழ்ச்சியடைய செய்ததற்கு ஒட்டு மொத்த கேண இலங்கையர்கள் நாம் எல்லாரும் மகிழ்ச்சியடைந்திருக்கலாம்.

ஆனால் பாவம் உயிரை பணயம் வைத்து விளையாடும் நம்ம வீரர்கள், அவர்களுக்காக நாம பெருமை பட்டுக்கலாம். இனம் மொழி மதம் மறந்து

என் மனதில் பட்டதை சொல்லியிருக்கிறேன், இனி என்னை திட்டி தீர்த்துகுங்க. அப்பதானே நமக்குள்ள அடிச்சிக்கலாம் மத்தவுங்கள மகிழ்விக்கலாம்.

போய் பாருங்க கூத்த……

2011-04-05T12:48:00.002+03:00

கோணங்கி 1: போய் பாருங்க கூத்த……

கோணங்கி 2: அட ஆமா!... எங்கயோ இடிக்குற மாதரி இருக்குதுல்ல……

கோணங்கி 1: கடைசியில என்னாகும் தெரியுமா?.....

கோணங்கி 2: அரசியல்ல இதெல்லாம் சகஜமப்பான்னு தான்….

கோணங்கி 1: ஐயோ ஹய்யோ…….

போய் பாருங்க கூத்த....

நல்ல விதைகளை விதைப்போம்… நாம் நல்ல தேசம் செய்வோம்

2011-03-30T10:11:00.004+03:00

ஆங்கிலத்திலும் தமிழிலும் இரு வேறு வலைபதிவர்களின் பதிவை தொகுத்து, ஒரு பதிவாக வந்த ஒரு மின்னஞ்சலை பதிவிடுகிறேன்…

என்று பெறப்போகிறோம், இப்படிப்பட்ட குணாதிசயங்களை/நற்பண்புகளை?

பாருங்கள்……

மற்றவரிடம் பகிர்ந்துகொள்ளுங்கள்….

ஜப்பானிய நிலநடுக்கம் மற்றும் சுனாமியிலிருந்து நாம் கற்றுக் கொள்ள வேண்டிய 10 படிப்பினைகள்

1. THE CALM – அமைதி

Not a single visual of chest-beating or wild grief. Sorrow itself has been elevated.

நெஞ்சில் அடித்துக்கொண்டு அழும் அல்லது இழப்பை தாங்க முடியாமல் ஒப்பாரி வைத்து அழும் ஒரு காட்சியைக் கூட காண முடியவில்லை. இழந்த வ‌ருத்தமும், சோகமும் அப்பிய முகங்களினோடு தான் மக்களை பார்க்க முடிந்தது.

2. THE DIGNITY - கண்ணியம்

Disciplined queues for water and groceries. Not a rough word or a crude gesture.

தண்ணீருக்காகவும், பொருட்களுக்காகவும், சீராக, ஒழுங்காக வரிசையில் நின்று பொருட்களை வாங்கிய விதம். முண்டியடித்துக் கொண்டும், ஒருவரையொருவர் தள்ளிக்கொண்டும், "எனக்கு கிடைக்கவில்லையே" என வசை மாறி பொழிந்துக் கொண்டும் யாரும் நடக்கவில்லை.

3. THE ABILITY - ஆற்றல், திறமை

The incredible architects, for instance. Buildings swayed but didn’t fall.

நம்ப முடியாத கட்டிடகட்டமைப்பு. கட்டிடங்கள் கொஞ்சம் ஆட்டங்கண்டாலும், அப்படியே நிலைகுலைந்து சரியாமல், இருந்த நிலை. அதை அப்படி கட்டிய திறமைமிக்க வல்லுனர்கள். நம் பகுதியில், மறுபாதி கட்டிக் கொண்டிருககும் பொழுதே, முந்தைய பாதி இடிந்து விழும் அபாயத்தில் தான் நம் காண்டிராக்டர்கள் நடந்து கொள்கிறார்கள். (எல்லோரும் அல்ல).

4. THE GRACE - நல்ல எண்ணம்/நற்பண்பு

People bought only what they needed for the present, so everybody could get something.

எது இன்றைக்கு வேண்டுமோ/அன்றைய தேவையோ, அதை மட்டுமே வாங்கியது. இதன் மூலம், மற்றவர்களுக்கும் கிடைக்க ஏதுவாய் அமைந்தது. பதுக்கல்/கள்ள மார்க்கெட்டில் விலை உயர்த்தி விற்பது போன்ற செயல்கள் நடைபெறவில்லை

5. THE ORDER - ஒழுங்கு/கட்டுப்பாடு

No looting in shops. No honking and no overtaking on the roads. Just understanding.

சந்தடி சாக்கில், குழப்பமான சூழ்நிலையை கருத்தில் கொண்டு, சூறையாடலும், கொள்ளையடித்தலும் நடக்கவில்லை. கார் ஹார்னை காது செவிடாகும் அளவிற்கு அடித்து, ரோட்டில் ஏற்படும் போக்குவரத்து நெருக்கடியில் மோசமாக நடந்து கொள்ளாமை. ஒருவரை ஒருவர் முந்திச் செல்லாமல் இருந்தது. நன்றாக, ஒருவரை ஒருவர் புரிந்து நடந்து கொண்டது.

6. THE SACRIFICE- தியாகம்/அர்ப்பணிப்பு

Fifty workers stayed back to pump sea water in the N-reactors. How will they ever be repaid?

50 ஊழியர்கள் அணு உலை இடத்திலேயே தங்கியிருந்து, உலைகளை குளிர்விப்பதற்காக, கடல் தண்ணீரை வாரி இறத்தது. அப்படிப்பட்டவர்களுக்கு, எப்படிப்பட்ட கைம்மாறு செய்யப் போகிறார்கள்?

7. THE TENDERNESS - அன்பு/கருணையின் அடிப்படையில் மக்களின் நலன் காத்து பேணுதல்

Restaurants cut prices. An unguarded ATM is left alone. The strong cared for the weak.

உணவகங்கள் சாப்பாட்டு விலையை குறைத்துக் கொண்டன. ஏ.டி.எம்(தானியங்கி பண பட்டுவாடா கருவி) எந்த வித பாதுகாப்புமின்றி, தனித்து விடப்பட்ட நிலையிலும் பாதுகாப்பாக இருந்தது. பலம் வாய்ந்தவர்கள், பலவீனர்களை கவனித்து கொண்டது.

8. THE TRAINING - பயிற்சி

The old and the children, everyone knew exactly what to do. And they did just that.

வயது முதிர்ந்தவர்களும், குழந்தைகளும்,என்ன செய்ய வேண்டுமென்பதை அவரவர் அறிந்து வைத்திருந்தது/அதன்படி நடந்து கொண்டது.

9. THE MEDIA - பத்திரிக்கை/ரேடியோ/தொலைக்காட்சிகள் நடந்த விதம்

They showed magnificent restraint in the bulletins. No silly reporters. Only calm reportage. பத்திரிக்கை/ரேடியோ/தொலைக்காட்சிகள் நடந்து கொண்ட‌ விதம். செய்தித்தாள்களிலும், செய்தி அறிக்கைகளிலும், சுயகட்டுப்பாட்டோடு நடந்துக் கொண்டது. “நான்”, “நீ” என்று போட்டி போட்டு செய்தி வெளியிடாமல், அமைதியான முறையில் செய்தி வெளியிட்டார்கள். நம் சேனல்கள், "என்னால் தான் இந்த நிலநடுக்கமே நடந்தது" என்றும், “இதை வெளியிட்ட முதல் சேனல் நாங்கள் தான்” என்று மார்தட்டிக்கொண்டு நடந்திருப்பார்கள்.

10.THE CONSCIENCE - மனசாட்சியின் அடிப்படையில் நடந்து கொண்டது.

When the power went off in a store, people put things back on the shelves and left quietly.

சூப்பர் மார்க்கெட்டில், மின்சாரம் நின்று போனவுடன், எடுத்த பொருட்களை அந்தந்த அலமாரிகளிலேயே திரும்ப வைத்து விட்டு, அமைதியாக திரும்பியது.

செந்தில் ராஜா என்ற பதிவர் தனது பதிவில் எழுதியது......
என்று பெறபோகிறோம்........

ஆங்கில வலையில் தருண் விஜய் எழுதியது.
10 THINGS TO EMULATE FROM JAPAN

நல்ல விதைகளை விதைப்போம்… நாம்

நல்ல தேசம் செய்வோம்.

வாழ்த்துகளுடன்.

ஜோசப் இருதயராஜ்

நாம இப்படி செய்வோமா?.

2011-03-16T11:04:00.007+03:00

எல்லாரது பார்வையும் பேச்சும் ஜப்பானாக தான் இருக்கிறது..

எங்கும் எதிலும் ஜப்பான் தான் நிறைந்து நிற்கிறது, இயற்கையின் சீற்றம், அழிவின் கோரம், எதிர்கொண்டிருக்கும் அணு மின்நிலைய ஆபத்து என்று நிலைமை எம்மை நிலை குலையவைக்கின்றன.

கடந்த இரண்டு மூன்று நாட்களாக எனக்கு மனசு சரியாவே இல்லை, இன்று நான் வீட்டிற்கு மதிய உணவிற்க்காக வந்த வேளை என்னால் சாப்பிடவே முடியவில்லை,

ஏதோ ஒப்புக்கு சாப்பிட்டுவிட்டு வந்து கட்டிலில் உட்கார்ந்தேன்,எனது மகள் வந்தாள் அப்படியே அவளை கட்டியணைத்துகொண்டு கண்களில் கண்ணீர் மல்கபிராத்தனை செய்தேன் இறைவா அந்த மக்களுக்கு மேலும் மனதிடத்தை கொடு என்று.

நான் இதை எழுத நினைத்திருக்கவில்லை,ஆனால் இந்த நிகழ்வில் இருக்கும் படிப்பினையை நம் மக்களும் புரிந்து கொள்ளட்டுமே என்று தான் தொடங்குகிறேன்.

தொடர்ந்து படியுங்கள்.

நடந்தது என்னமோ பெரும் அனர்த்தம் தான்…. அதை தொடர்ந்தது பெரும் விபத்தும்தான். ஆனால் அந்நாட்டு மக்களை பாருங்கள் என்ன ஒரு அமைதி, பணிவு, என்னவொரு தைரியம் இயல்புக்கு வாழ்கைக்கு திரும்பும் திறன்! உண்மையில் மெய் சிலிர்க்கிறது.

சுனாமி தாக்கிய நகரத்திலிருந்து 150கி.மீ அப்பால் டோக்கியோவில் போக்குவரத்து நிறுத்தபட்டு மக்கள் எல்லாரும் நடு வீதியில் நிற்கிறார்கள், யாராவது ஒரு ஆர்பாட்டம் குரலை சற்று உயர்த்தி பேசுதல் ஏதாவது உண்டா? எல்லார் மனதிலும் முகத்திலும் எங்கள் நாடு இப்போது ஒரு பாரிய சிக்கலில் இருக்கிறது அதனால் நமது வசதி முக்கியமில்லை என்று பாதையோரங்களில், தொடர்வண்டி நிலையங்களில் அமைதியாக அமர்ந்து இருக்கிறார்கள்! பொது டெலிபோன் இடங்களில் என்ன ஒரு அமைதியாக வரிசையில் நின்று தங்கள் முறை வரும் வரை பேச காத்துஇருக்கிறார்கள்.

அப்படி ஒரு நிலைமையில் நாம இப்படி செய்வோமா?.

பல்பொருள் அங்காடி கடைகளில் ஒரு ஆளுக்கு 10 பொருட்கள் என்ற அடிப்படையில் தான் அத்தியாவசிய பொருட்கள் கொடுக்கப்படுகின்றன,

யாராவது மற்றவைரை பின்னுக்கு தள்ளி முண்டியடித்து போகிறார்களா?..... அவரவருக்கு வழி விட்டு தன் முறை வரும் வரை என்ன ஒரு அமைதியாக நிற்கிறார்கள்.

எரிபொருள் நிரப்பும் நிலையத்தில் எவ்வளவு பெரிய வரிசையில் என்ன ஒரு அமைதியாக அவர்கள் நிற்கிறார்கள் தங்கள் முறை வரும் வரை

அப்படி ஒரு நிலைமையில் நாம இப்படி செய்வோமா?.

தொலைகாட்சி நிறுவனங்கள் மக்களை பேட்டி எடுக்கிறார்கள் யாராவது முண்டியடித்து என்முகமும் டீவியில் வரட்டும் என்று போஸ் கொடுத்து கொண்டு இருக்கிறார்களா?.... டீவி கமிராவுக்கு பின்னால் மருந்துக்கு கூட ஆள் அரவேமேயில்லை.

அப்படி ஒரு நிலைமையில் நாம இப்படி செய்வோமா?.

அவசர நிவாரணமுகாமில் (செண்டே நகரில்) 450,000 பேர் வரையில் இருக்கிறார்கள் ஏதாவது ஒரு அமலிதுமலி கூட்டம் கூச்சல் தெரிகிறதா?, அவரவர் அமைதியாக அமர்ந்து இருக்கிறதை பார்த்தபோது

ஒன்றுமே நடக்காத மாதிரி தான் தெரிகிறது.

அப்படி ஒரு நிலைமையில் நாம இப்படி செய்வோமா?.

இது வரை செய்தி நிறுவனங்கள் வெளியிடும் தகவல்கள் படி 3,500 பேர் வரையில் இறந்து இருக்கிறார்கள் 7,500 பேர் வரையில் காணாமல் போனவர் பட்டியல் இருக்கிறது. ஆகவே இறந்தவர்கள் எண்ணிக்கை இன்னும் உயரலாம் என்று கலவரப்படுத்துகிறார்கள்.

இதில் தான் நாம் ஒன்றை கவனிக்கவேண்டும் 2004ல் இந்தோனேசியாவில் ஏற்பட்ட நிலநடுக்கத்தால் வந்த சுனாமி எத்தைகைய அழிவுகளை ஏற்படுத்தியது, என்பதை நாம் இலகுவில்

மறந்திருக்கமாட்டோம். ஆனால் அன்று வந்த நிலநடுக்கத்தை விட ஜப்பானில் வந்திருப்பதோ பெரியது. 8.9 ரிகட்டர் அளவு கடந்த 300 வருடங்களில் வந்திருக்கவில்லை என்றும் தகவல்கள் சொல்கின்றன. அப்போ த்சுனாமியின் தீவிரமும் அதிகம் தான்.

இதில் என்ன விசேடம் இருக்கமுடியும் என்று நீங்கள் நினைப்பது புரிகிறது.

கொஞ்சம் யோசித்து பாருங்கள் 2004ல் இறந்தவர்கள் எண்ணிக்கை எவ்வளவு என்று, த்சுனாமி ஏற்பட்ட இந்தோனேசியா வேண்டாம் தொலைவில் இருக்கும் இலங்கை அல்லது இந்தியாவை எடுத்து கொள்ளுங்கள், தற்போது ஜப்பானில் உள்ளதை விட பல மடங்கு அதிகம். ஆனால் இப்போது ஏற்பட்ட அனர்த்தத்தை ஒப்பிட்டால் ஜப்பானின் இழப்பு குறைவு என்பது புலனாகும்.

இது எதை குறித்து நிற்கிறது. முழுக்க முழுக்க ஜப்பானிய அரசின் திறமை, முன்னேற்பாடு, அம்மக்களின் முன்னெச்சரிக்கை, அவர்களது மன பலம் என்றால் மிகையில்லை. தான் தனக்கு மட்டும் என்ற குணம் இல்லாத பண்பு.

அவர்களை பார்த்தாவது நாம திருந்தலாமல்லவா? நாமளும் அத்தகைய நல்ல பண்புகளை வளர்த்துகொண்டால் எவ்வளவு நல்லது.

இதை உணர்ந்து தான் இந்த பதிவு.

நாம செய்வோமா?.... திருந்துவோமா?.

சரி,

ஒரு வாதத்திற்காக இப்படி கேட்போமானால், 2004ற்கு பின்னர் மீண்டும் அவ்வாறான ஒரு நிலை நமது நாடுகளுக்கு வருமானால் அதை எதிர்கொள்ள நாம் தாயாராக இருக்கிறோமா?

மக்கள் பழக்கபட்டிருக்கிறார்களா?,

மக்ளை காப்பாற்ற கூடிய நிலையில் எமது அரசாங்கங்ளும் அரசியல் தலைவர்களும் இருக்கிறார்களா?.

அரசு நிதி நிலவரங்கள் எப்படி இருக்கிறது?....

இதைபற்றி யாருக்கு கவலை இருக்கிறது……

இப்போது உங்களுக்கு புரிந்திருக்கும் நாம எங்கே இருக்கிறோம் என்று.

கடைசியாக ஜப்பான் மக்களுக்கு மேலும் மன தைரியமும், இறந்தவர்களுக்கு ஆத்மா சாந்தியும். குடும்பம் உறவுகளை பிரிந்த மனங்களுக்கு ஆறுதலும் சமாதானமும் கிடைக்கட்டும் என்று நம்ம இனம் மதம் மொழி மறந்து எல்லாரும் சேர்ந்து அந்த மக்களுக்காக பிராத்தனை செய்வோம்.

நல்லா சிரிங்க…..

2011-03-09T12:50:00.001+03:00

எப்படியெல்லாம் யோசிக்கிராங்கப்பா……

படத்தை கிளிக் செய்து பாருங்கள், அப்பதான் நல்லா சிரிப்பீங்க!

இதுக்கு ஹோட்டல்ல ரூம் போட்டு யோசிப்பாங்களோ?

என்னா ஒரு குசும்பு.....

எனது பள்ளிப்பருவ கிறுகல்கள்

2011-03-08T21:47:00.002+03:00

எனது பழைய எழுத்துகளை, அதாவது கிறுக்கல்களை புரட்டிக்கொண்டிருக்கும் போது நான் கவிதை என்று நினைத்து கிறுக்கியவைகள் தென்பட்டன…..

அதை பார்க்கும் போது வேடிக்கையாக இருக்கிறது, ஆனாலும் அந்த வயது கால நிகழ்வுகளை மீட்டி பார்க்க மனசு லேசான மாதிரியும் இருக்கிறது.

அந்த கிறுக்கல்களை உங்கள் பார்வைக்க்கும் வைக்கிறேன்…

பாருங்கள்...

நீங்களும் உங்கள் நினைவலைகளை மீட்டி பாருங்களேன்.....

தேனே எனக்கு

தென்றலும்

தெரியவில்லை

திங்களும் மகிழ்ச்சியில்லை

தமிழும் புரியவில்லை

இசையும் லயிக்கவில்லை

உன் பித்தாகி போன எனக்கு

நீதான்

மருந்துக்கு சரக்கு

மயிலே

இது கூட புரியாதா

உனக்கு…..

பாத்தீங்களா!

ரொம்ப சின்னபுள்ள தனமா இருக்குல்ல.

தீடீர் பதிவு

2010-09-16T22:50:00.002+03:00

இப்போதைக்கு இது தான் செய்தி,

பாருங்கள் படத்தை…….

அண்மையில் ஆரம்பமான மத்தியகிழக்கின் சமாதான பேச்சுவார்தை அமெரிக்காவின் வெள்ளை மாளிகையில் நடந்தது அனைவரும் அறிந்ததே!... ஆனால் அதுவல்ல பிரச்சினை… யார் தலைமை தாங்கி எல்லோரையும் அழைத்து சென்றது என்பது தான் இப்போதைய சர்ச்சை!.

எகிப்தின் அல்-ஹரம் என்ற தேசிய பத்திரிகை பிரசுரித்திருந்த படம். எகிப்தின் ஜனாதிபதி திரு. ஹுஸ்னி முபாரக் அமெரிக்க ஜானாதிபதி பராக் ஒபாமா உட்பட உலக தலைவர்களை வழிநடத்தி செல்வதாக உள்ளது முதல் படம்.

இரண்டாவது படம்

இதில் அமெரிக்க ஜானாதிபதி பராக் ஒபாமா உலக தலைவர்களை வழிநடத்தி செல்வதாக உள்ளது. இரண்டாவது தான் உண்மையானது என்றும் முதலாவது படம் போட்டோஷொப் மூலம் உருமாற்றி வெளியிடப்பட்டது என்றும் பிபிசி நிறுவனம் சொன்ன செய்தி தான்…… இப்போதைக்கு சூடான செய்தி….

என்னமோ போங்க பேச்சுவார்த்தை உருபட்ட மாதிரிதான்…… அப்பாவி பாலஸ்தீன மக்களின் பசி, பட்டினி, மற்றும் கஷ்டம் தீர்ந்த மாதிரிதான்…..

இது தான் பிள்ளையார் பிடிக்க குரங்கான கதையோ?

நன்றி.

அதிசயம் - WONDER - தொடர்ச்சி

2010-08-29T20:55:00.002+03:00

வொ்ண்டர் அவர்கள் பொதுவாழ்கையில் தனது பங்களிப்பை நிறையவே செய்து வருபவர் என்பதையும் குறிப்பிட்டாக வேண்டும். அரசியல், பொது நீதி, மனித உரிமைகள் போன்றவற்றிற்காக முழு வீச்சில் தொண்டாற்றி வரும் அதே நேரம் எயிட்ஸ் விழிப்புணர்வு மற்றும் பிரச்சார பணிகளில் முன்னனியில் பங்காற்றுபவர்.

எல்லாவற்றையும் விட அமெரிக்க கருப்பின மக்களின் விடுதலை போராட்ட வீரரும் அமெரிக்காவின் மகாத்மா என்றழைக்கபடும் மார்டீன் லூதர் கிங் அர்களது பிறந்தநாளை அமெரிக்காவின் தேசிய விடுமுறை நாளாக பிரகடனபடுத்த பெரும் பங்காற்றிய பெருமையை கொண்டவர். மேலும் இன்றைய உலகின் புதிய இசைதலைமுறையின் (Hip Hop) குருவாகவும் வழிகாட்டியாகவும் முன்னோடியாகவும் திகழ்பவர்.

அமெரிக்காவின் தற்போதைய ஜனாதிபதி திரு. ஒபாமா அவர்களின் தேர்தல் பிரசாரத்தில் அதி முக்கிய சக்திகளில் இவரும் ஒருவர் என்பதும் குறிப்பிடதக்கது. இவர் "Signed, Sealed, Delivered I'm Yours" என்ற இவரது பாடலை திரு ஒபாமா செனட்டராக இருந்து ஜனாதிபதி வேட்பாளராக தன்னை பதிவு செய்த வைபவத்தில் Denver, Colorado's Invesco திடலில் ஏறத்தாழ 85,000 ஒபாமா ஆதரவாளர்கள் முன் இசைத்து பெரும் பாராட்டை பெற்றதோடு மட்டுமல்லாது. திரு.ஒபாமாவின் தொடர்ந்த மொத்த தேர்தல் பிரசாரத்தில் இந்த பாடலே தொடர்ந்து பயன்படுத்தப்பட்டது என்பதும் சிறப்பம்சம். அவரது ஒரு புதிய இசை முயற்சிக்காக அமெரிக்க அரசாங்கத்தின் உயரிய விருதான Gershwin என்ற வாழ்நாள் சாதனையாளர் விருதையும் பெற்றுள்ளார்.

1961 ம் ஆண்டு தன் 11வயதில் இசையுலகில் பிரவேசித்து இன்றுவரை மேற்கத்தேய இசைதுறையில் உயரிய விருதாக கருதப்படும் 25 கிராம்மி அவார்ட்ஸ், அகாடமி அவார்ட், மற்றும் வாழ்நாள் சாதனையாளர் (Life time Achievement Award) என்று பல விருதுகளை அள்ளிச்சென்றவர். மட்டுமல்லாது அதிக தடவை கிராம்மி அவார்ட் வழங்கப்பட் ஓரே ஆண் தனிப்பாடகர் என்ற அந்தஸ்த்துக்கும் உரியவர். (a male solo artist).

இவரது 32 பாடல்கள் உலக அளவில் முதலாம் இடத்தில் நின்று 100 மில்லியனுக்கு மேல் விற்று தீர்ந்திருகின்றன..

ஸ்டீவி வொண்டர் தனது இசையுலக வாழ்வில் இன்ன பிற கலைஞர்களுடன் இணைந்து இசை பங்களிப்பை செய்திருக்கிறார். இதில் அநேகம் பேரை நமக்கு அறிமுகம் இல்லை இருந்தாலும் தமிழ் ரசிகர்களிடத்தில் பரிச்சியமும் புகழும் பெற்ற சிலரை குறிப்பிடுகிறேன்.

The Rolling Stones, உலகபுகழ்பெற்ற பீட்ல்ஸ் கலைஞர்களான John Lennon மற்றும் Paul McCartney, Jermaine Jackson (மைக்கல் ஜாக்சனின் சகோதரர்), Eurythmics, Elton John, John Denver, Michael Jackson, Sting, Prince மற்றும் Babyface போன்றவர்கள் மிகவும் குறிப்பிடதக்கவர்கள்.

ரேகே (Reggae) இசையின் தந்தை என்று வர்ணிக்கப்படும் Bob Marley, மற்றும் அவருடன் கூடி வேய்லர்ஸ் என்று அழைக்கப்படும் Peter Tosh மற்றும் Bunny Wailer ஆகியோருடன் இணைந்து வொண்டர் நடத்திய பார்வை இழந்தோர் அறகட்டளை நிதிக்காக வொண்டரின் கனவு விழா ("Wonder Dream Concert") இன்றும் வெகுவாக பேசுப்படுகிற நிகழ்ச்சிகளில் ஒன்று. 1975 ஒக்டோபர் 04ம் திகதி இந்த நிகழ்ச்சி பொப்-மார்லியின் சொந்த ஊரான ஜமேய்க்காவின் கிங்ஸ்டன் நகரில் இடம்பெற்றிருக்கிறது.

Babyface உடன் இணைந்து வெளியிட்ட “How Come How Long” என்ற பாடல் மிகவும் பிரபலம் வாய்ந்தவைகளில் ஒன்று காரணம் தார கொடுமையை (domestic violence) மையப்படுத்தி, அதை எதிர்த்து விமர்சித்து இருந்தது தான்.

ஒரு இரண்டு தசப்தங்களுக்கு பிறகு மீண்டும் 2008ம் வருடம் செப்டம்பர் மாதத்தில் இங்கிலாந்தில் தொடங்கி நெதர்லாந்து, சுவீடன், ஜேர்மனி, நோர்வே, பிரான்ஸ், இத்தாலி, டென்மார்க் போன்ற நாடுகளை உள்ளடக்கிய ஐரோப்பிய இசை பயணத்தை நடத்தி முடித்தார், பெரும் புகழும் பெயரும் சம்மாதித்து தந்த இந்த இசைப்பயணம் அவரது வாழ்வில் ஒரு மைல்கல் என்று கூட சொல்ல்லாம்.

இந்த பயணத்தின் போது இங்கிலாந்தில் மாத்திரம் 08 பிரம்மாண்ட நிகழ்ச்சிகளை நடத்தியிருக்கிறார் என்பது குறிப்பிடதக்கது. அதுவும் லண்டணில் உள்ள O2 என்ற உள்ளரங்கதில் மட்டும் 04 பிரமாண்ட நிகழ்ச்சிகள். இந்த நிகழ்ச்சியில் இசைத்த ஒரு பாடலை தான் இங்கு இணைத்துள்ளேன்….. இந்த நிகழ்ச்சிக்கு வருகை தந்திருந்த ரசிசகர்கள் 120,000 பேருக்கும் மேல் என்று ஒரு கணக்கு சொல்கிறது என்பது ஒரு தகவல்.

பாருங்கள் ஒரு கலைஞன் தன் ரசிகர்களை எப்படி கட்டிப்போடுகின்றான் என்று…. மட்டுமல்லாது ரசிகர்கள் தனது அபிமான கலைஞனை எப்படி ஆர்பரித்து மகிழ்கிறார்கள் என்று.

O2 - லண்டண் - இந்த பாடல் முதலில் 1986ல் வெளியாகி உலக அரங்கில் பெரும் வரவேற்பை பெற்ற பாடல்

இவரது அநேகமான காணொளிகள் Youtube வலைத்தலத்தில் இருக்கிறது, தேவையானவற்றை சொடுக்கி பார்த்து மகிழுங்கள்.

என்னை கவர்ந்த ஸ்டீவி வொண்டர் உங்களையும் கவர்ந்தாரா?..... அப்படியானால் உங்கள் வாக்குகளை கிளிக் செய்து செல்லுங்களே!

அதிசயம் ...... WONDER !

2010-08-27T18:42:00.001+03:00

அமெரிக்காவில்மிச்சிகன் என்ற பிராந்த்தியன் செக்கினாவ் (Saginaw, Michigan) எனும் நகரத்தில் Calvin Judkins மற்றும் LulaHardaway தம்பதியருக்கு 1950, மே 13ம் திகதி ஒருகுழந்தை பிறந்தது பெயர் Stevland Hardaway Judkins, அது தான் இன்று ஸ்டீவி அல்லது ஸ்டீவ் வொண்டர் என்று அழைக்கப்பட்ட்டுஉலக இசை ரசிகர்களை மொத்தமாக கொள்ளைகொண்ட Steve Wonder.

குடும்பத்தில்உடன் பிறந்தவர்கள் ஆறுபேர் இவர் மூன்றாமவர், ஆறு வாரங்களுக்கு முன்னமே இவரதுபிறப்பு நிகழ்ந்ததால் கண் விழித்திரைக்கு குருதியை கொண்டுவரும் வரும் ரத்த நாடிகள்போதிய வளாச்சில்லாத காரணத்தால் சிறு வயதிலேயே பார்வை குறைபாடு உள்ளவராக பிறந்திருக்கிறார். குறை மாத பிரசவம் என்ற படியால் குழந்தையை இன்குயுபேட்டர்(Incubator) உள்ளே வைத்து, வெளியில் இருந்து கொடுக்கப்படும்மிஞ்சிய ஒக்சிஜன் அளவால் தான் நிலைமை இந்த அளவு மோசமடைந்தது என்று கூட ஒரு கருத்துஉண்டாம்..

வொண்டருக்கு நான்கு வயது நிரம்பிய போது அவரது தாயார் பிள்ளைகளைகூட்டிக்கொண்டு அவர்களது தந்தையை பிரிந்து வந்துவிட்டார். சிறுவயதிலேயே வொண்டர் இசையில் மிகுந்த ஆர்வம் கொண்டிருந்தார்,மட்டுமல்லாது ஒரு சில இசைக்கருவிகளையும் வாசிக்க தெரிந்து கொண்டிருந்தார்,இதில் மவுத் ஆர்கன் அல்லது ஹார்மோனிக்கா, பியானோ,ட்ரம்ஸ், மற்றும் பேஸ் என்பவை குறிப்பிடதக்கவை.மேலும் தேவாலயங்களில் உள்ள ஆலய பாடகர் குழாமில் (Church Choir) தவறராது இடம்பெரும் அங்கத்தவராக இருந்தாராம்.

வொண்டர் தனது 11வது வயதிலே தன் முதல் இசை வெளியீட்டைஆரம்பித்தவர். 1961 வருடம் MOTOWN இசை வெளியீடு நிறுவனம் தான் அவரது முதல் ஆல்பத்தை வெளியிட்டபெருமையை தட்டிக்கொள்கிறது.இன்றுவரை இந்த நிறுவனம் தான் இவரின் பாடல்களையும், இசை ஆல்பங்களையும் வெளியிட்டு வருகிறது என்பது குறிப்பிடதக்கது.

1961ம் ஆண்டு தொடங்கி இன்றுவரை ஸ்டீவி வொண்டர் மேலைத்தேய இசையுலகில் இசை ரசிகர்கள்மத்தியில் ஒரு அதியசயிக்கதக்க, பெரும் மதிப்பிற்குறியவராக போற்றப்படுகிறார்.

இசையுலகம் அவரை ஒப்பாரும் மிக்காரும் இல்லாத வாழும் கலைஞன்என்று போற்றுகிறது.

தற்போது 58 வயதாகும்இவர் பல முகங்களை கொண்டவர் பாடகர், பாடலாசிரியர், இசையமைப்பாளர் மற்றும் தயாரிப்பாளர் என்றவாராக தன்னை நிலை நிறுத்திக்கொண்டு,

Vocals, synthesizer, piano,harmonica, drums, bass guitar,congas, bongos, clavinet,melodica, keytarபோன்ற இசைக்கருவிகளில்மிகுந்த தேற்சியும்பெற்றவர். இன்றுவரை ஏராளமான பரிசுகளையும்,பாரட்டுதல்களையும், பட்டங்களையும் தனதாக்கிக்கொண்டவர்.

தொடரும்….

திரும்பவும் கிறுக்கல்

2010-08-27T14:44:00.000+03:00

எனக்கு பிடித்தவர்கள் அல்லது என்னை கவர்ந்தவர்கள்.

மீண்டும் நீண்ட இடைவெளிக்கு பின் திரும்பவும் கிறுக்க துணிகிறேன்….,

வெகு நாளாகவே எனக்குள் ஒரு ஆசை எனக்கு பிடித்த அல்லது என்னை ஏதோ ஒரு வகையில் கவர்ந்த நபர்களை விசயங்களை எழுதவேண்டும் என்று.

நமக்கு பிடித்தது எல்லாம் மற்றவர்களுக்கும் பிடித்திருக்க வேண்டும் என்பதில்லை. தனிமனித விருப்பு வெறுப்பு என்பது அவர் அவரது தனிபட்ட விடயம்…. அது எவ்வாறாகவும் இருக்கலாம்…!

இந்த வகையில் எனக்கு இசைதான் மிகவும் பிடித்த விடயம். அதனால் இந்த துறையில் எனக்கு தெரிந்தவர்களை என்னை கவர்ந்தவர்களை வியக்கவைத்தவர்களை பற்றி கிறுக்க நினைத்தேன் அவ்வளவுதான்!,

படித்து பாருங்கள் பிடித்திருந்தால் பரவாயில்லை, இல்லாவிட்டால் திட்டுங்கள். அதுதான் நமக்கு கைவந்த கலையாச்சே.

நன்றி.

வாங்க வந்து பார்த்து எதாவது சொல்லிட்டு போங்க!

2009-02-11T15:09:00.005+03:00

ஒரு வேலை கிடைத்தால் தேவலை!

எப்படி இருந்த நான் எப்படி ஆகிட்டேன்!

குறிப்பு
இதுவும் மின்னஞ்சலில் வந்தது தான்,

இதற்கு தான் கண்ணதாசண் சொல்லியிருந்தார்
உயர்ந்த இடத்தில் இருக்கும் போது
உலகம் உன்னை மதிக்கும்
உன் நிலைமை கொஞசம்
இறங்கி வந்தால் நிழலும் கூட
மிதிக்கும்......

(இது தான் ஊடக சுதந்திரமோ?)
நீங்களும் எதாவது சொல்லிட்டு போங்க!

சிரிக்கலாம் வாங்க!

2009-02-10T16:14:00.015+03:00

ரொம்ப நாளைக்கு அப்புறம் இன்று எனக்கு வந்த மின்னஞ்சலில் இருந்ததை அப்படியே தருகிறேன். என்னமா யோசிக்கிறாங்கப்பா! கொஞ்சம் பொறாமையா கூட இருக்கு.

1.வாழ்க்கை என்பது பனை மரம் போல ஏறினா நுங்கு! விழுந்தா சங்கு!
2. லைப்ல சின்ன சின்ன விஷயம் தான் பெரிய மாற்றத்தை உருவாக்கும். உதாரணம்.
நமீதா எவ்வளவு பெரிய நடிகை ஆனா அவுங்க இவ்வளவு பாப்புலர் ஆக சின்ன சின்ன டிரஸ் தானே காரணம்.
3. வகுப்பறை என்பது ரயில் மாதிரி முதல் இரண்டு பெஞ் வீ ஐ பி (VIP) நடுவில் இரண்ட பெஞ் பொது (General) கடைசியில இரண்டும் தூங்கும் பெஞ்!(Sleeper)

கவிதை வடிவில் அதுவும் ஹைகூ வடிவில் யோசித்திருக்காங்க பாருங்க!
4. அருகில் இருந்தும் பேச முடியவில்லை உரிமை இருந்தும் கேட்க முடியவில்லை – எக்ஸாம் ஹாலில்……!
5. 3 G A P A 6 = ?....
யோசிங்க ……
என்னா எடிசனுக்கு போட்டியா யோசிப்பீங்களே! இது கூட தெரியாதா?
விடை: மூஞ்சிய பாரு……
6. வாழ்கையில வெற்றி ன்னா என்னனு தெரியுமா?
அடைமழை பெயும் போது உன் வீட்டு மரம் ஈரமாக இருக்குமே அது தான்,
இன்னுமா புரியலை அட WET TREE!
7. தினந்தோரும் என் பிராத்தனை
எனக்கு எதுவும் வேண்டாம் கடவுளே! என் அம்மாவுக்கு மட்டும் ஒரு சூப்பர் Figure மருமகளா வரணும் - அது போதும் எனக்கு.

குறிப்பு:-
என்ன செய்ய!, ஒன்னுமே செய்ய முடியாத போது பைத்தியம் போல சரி சிரிச்சிக்கிட்டு இருப்போம்;

கடவுளே!
எல்லாரும் எங்கள பாத்து சிரிக்கிற மாதிரி வைத்துவிட்டாயே!
ஜோசப் இருதயராஜ்

கைவிடப்பட்டு போயினோமா?

2009-01-28T15:22:00.010+03:00

நண்பர்களே….

இந்த நவீன உலகில் அன்றாடம் ரணப்பட்டு போன மனிதனுக்கு அவனது மனதுக்கு களிம்பு பூசுவது போன்றதான ஆறுதல் வார்தைகள் எவ்வளவு அவசியம் என்பது எல்லாரும் உணர்ந்த ஒன்று.

இன்று எனக்கு வந்த இந்த மின்னஞ்சலை உங்களோடு பகிர்ந்து கொள்வதில் மகிழ்சியடைகிறேன்.

இப்படியாக தான் நம்மை நாமே ஆறுதல் படுத்திக்கொள்ள வேண்டியிருக்கிறது.

நாம மட்டும் என்ன பாவம் பண்ணிணோமோ தெரியவில்லை இந்த கடவுள்; எங்களை மட்டும் இன்னும் பார்(கா)க்க வரவில்லையே

Awesome!!
We complain about the cross we bear but don't realize it is preparing us for the dip in the road that God can see and we cannot.

Whatever your cross,
Whatever your pain,
There will always be sunshine, after the rain....
Perhaps you may stumble, perhaps even fall;
But God's always ready, to answer your call....
He knows every heartache, sees every tear,
A word from His lips, can calm every fear...
Your sorrows may linger, throughout the night,
But suddenly vanish, by dawn's early light...
The Savior is waiting, somewhere above,
To give you His grace, and send you His love.

May God fill your day with blessings!!

Be kinder than necessary, for everyone you meet is fighting some kind of battle!

அவசரம்! உடனே செயலாற்றுங்கள்.

2009-01-13T12:31:00.002+03:00

எதைப்பற்றியும யோசிக்க நேரமில்லை ! உடனே செயலாற்றுங்கள்.

நீங்கள் செய்ய வேண்டியது கீழே உள்ள இணைய முகவரியை கிளிக்கி உங்கள் ஒப்பத்தையும் இடுங்கள்

http://www.tamilsforobama.com/sign/usersign.html
இந்த வழியிலாவது விடிவு வருமா தமிழனுக்கு என்று பார்ப்போம்.

Dear Mr. President and Madam Secretary,

The people who signed this formal request are humbly asking you to take action to end the war in Sri Lanka.

The reasons you should take action are the following:

1. The war that has been initiated by Sri Lanka on the Tamils in its territory is a genocidal war. Its purpose is to uproot all the Tamils from the northeast of Sri Lanka. It has provoked a mass exodus and dispersal of Tamils from the island, analogous to the Roman dispersal of Jews from Palestine in the first century or any other ethnic cleansing meant to remove an entire population.

2. The war began almost the day Ceylon gained independence from Britain in 1948. It has involved grabbing lands from Tamils and resettling these lands with Singhalese convicts and/or Sri Lankan armed forces; discriminating against Tamils in employment and education; renaming Tamil areas with Singhalese names; and (for the last 25 years) bombing, shelling, and disappearing Tamil civilians.

3. The government made Buddhism the state religion and has bombed Hindu and Christian places of worship, frequently replacing them with Buddhist temples.

4. All efforts at mediation, negotiation, compromise, or peaceful resolution have failed due to stubbornness and insincerity by the Singhalese-dominated government.

5. All international efforts at bringing peace and humanitarian assistance have ended with refusal of the Sri Lankan government to cooperate and the expulsion (and sometimes killing) of international observers and helpers.

We hope that the new Obama administration will act promptly and forcefully to end this ongoing genocidal war.

Thank you for your attention to this matter.

The following signatures were collected by Tamils for Obama.

Further information about the ongoing genocide and its history is available at:

http://www.tamilsforobama.com/Slow_Genocide.html

புது வருட வாழ்த்து

2008-12-31T12:28:00.005+03:00

ஒன்னுமே புரியலே இலங்கையிலே

2008-11-11T17:27:00.007+03:00

ஒன்னுமே புரியலே இலங்கையிலே
என்னமோ நடக்குது …..

என்னன்னு கீழே பாருங்க .....

பெரிதாக்கி பார்க்க படத்தை கிளிக்கவும்

இங்க சனம் திருந்துர மாதிரியும் தெரியல…
இந்த சணடை நிக்குமுன்னும் தோணலை.

அந்த அழியாத கோலங்கள்

2008-11-10T15:15:00.006+03:00

நேற்று வீட்டில் பழைய புத்தகங்கள் பைல்களை புரட்டிக்கொண்டிருந்தேன், ஒரு பழைய தமிழ் பாடல் ஒன்றைத்தேடி…. அப்பொது கிடைத்து தான் கீழேயிருக்கும் கிறுக்கல்.

என் நண்பண் ஒருவனுக்காக அவன் கடலை போட்டுக்கொண்டிருந்த ஒரு பெண்ணுக்கு கொடுக்க எழுதியது….

முற்றுமுழுதாக தமிழ் திரைப்படங்களின் பெயர்களை மட்டும் கொண்டு ஒரு கவிதை என்று சொல்லி கிறுக்கியது. இப்போது அவன் அந்த பெண்ணையே திருமணம் செய்து செட்டிலாகி விட்டான் குழந்தை குட்டிகளோடு.

மகிழ்ச்சி சந்தோஷம் விளையாட்டுதனம் மட்டுமே நிறைந்த அந்த இளமைபருவ காலம் கோடி கொடுத்தாலும் ஈடு இணையாகாது.

இதோ கிறுகக்ல், பார்த்துவிட்டு நீங்களும் ஏதாவது கிறுக்கிட்டு போங்க

அன்பே!

சிவகாமியின் செல்வன் - உன்
புன்னகை மன்னன்
நான் பாடும் பாடல் - என்றும்
“புதுக்கவிதை” –

என் காதலை
சொல்லத்தான் நினைக்கிறேன் - தினம்
ஒன்ன நெனைச்சேன் பாட்டு படிச்சேன்
இப்போது….
வைகாசி பொறந்தாச்சு –

ஆகவே...
தென்றலே என்னை தொடு
கண்ணே கனியமுதே! – நீ
நிறம் மாறாத பூக்கள்
ஆலயமணி
குங்குமச்சிமிழ்
கீதாஞ்சலி
சிட்டுக்குருவி
சிந்து பைரவி
சிவப்பு ரோஜா
புதுப்பாட்டு - அப்பப்பா !. . . . .

நினைத்தாலே இனிக்கும்.

கேளடி கண்மணி - அந்த
16 வயதினிலே
அம்மன் கோவில் கிழக்காலே
டார்லிங்! டார்லிங்! – படத்திலே
உன்னை நான் சந்தித்தேன்

அன்றுதான் எனக்கு
முதல் வசந்தம்

உன்,
பருவ மழை -கண்டு
புதுப்புது அர்த்தங்கள் -கொண்டு
நான் பாடிய
இதய கீதம்
புதிய ராகம்
வருஷம் 16 – போனாலும்
கடலோரக்கவிதையாய்
காற்றினிலே வரும் கீத(ம்)மாய் - வந்து
மண் வாசணை வீசும்

அடியே!
அன்னக்கிளி
ரோசாப்பு ரவிக்கைக்காரி
மீரா!...

உயிரே உனக்காக - என்றாய்

மாதங்கள் ஏ(ழு)ழில் - நம் காதல்
இருகோடுகள் - ஆனதென்ன

என் வாழ்வு உன்னோடு தான்- என்றாயே!
திசைமாறிய பறவை யாய் போனாயே
ஏன் ஏன்?

அரண்மணைக்கிளியே
பார் மகளே பார்
வசந்த மாளிகையை

இப்போது உன்
பூ விலங்கு
நாயகன்
சுவரில்லாத சித்திரங்கள்
பாலைவன ரோஜா
மூன்றாம் பிறை

வாழ்கை – இப்போது எனக்கு
புரியாத புதிர் –
பகலில் ஓர் இரவு

ஆகா!
அந்த 47 நாட்கள் - என்றும்
அழியாத கோலங்கள்

சிரிக்கலாம் வாங்க! (எ)

2008-11-08T17:30:00.006+03:00

- உங்கள் கணவர் குறட்டை விடுபவரா? மனைவிகள் ஜாக்கிரதை!

வெளியே மட்டும் போயீட்டீங்கன்னா போச்சு

மலையகம்

2008-11-06T13:13:00.008+03:00

இன்றைய நாட்களிலும்,பொதுவாக 80களின் பின்னரும் உலக அரங்கில் இலங்கை என்றால் முதன்மை நிலை பெறுவது தமிழர் பிச்சினை தான். அதிலும் விடுதலைப்புலிகள்,தமிழர் போராட்டம் பற்றிதான் தான்.

ஆனால் இப்போது தான் இலங்கையில் இன்னொரு சமூகம் தமிழை தாய்மொழியாக கொண்டாலும், இலங்கையின் பொருளாதாரத்திற்கு முதுகெலும்பாக இருந்து விட்டு தான் மட்டும் கூனி குறுகி நிற்கிற அல்லது கைவிடப்பட்ட அல்லது காட்டிக்கொடுக்கபட்ட அவல நிலை பற்றி உலகிற்கு தெரிய வர ஆரம்பித்திருக்கிறது.

குறிப்பாக இறக்குவானை நிர்ஷன் புதிய மலையகம் என்ற தலைப்பில் தரும் மலையகம் அதன் மக்கள், அவர்கள் வாழ்கை, பற்றிய விடயங்கள் நிச்சயம் மலையகம் சாராத தமிழர்கள் உலகத்தின் எந்த பகுதியிலிருந்தாலும் தெரியவே வாய்பில்லை.

பதிவுகளை பார்க்க புதிய மலையகம் செல்லவும்.

இது பெரும் மகிழ்சிக்கும் போற்றுதலுக்கும் உரிய விடயம். சமூகம் விட்டு விடுதலையடைய விதைக்கபடுகிற விதை. அல்லது சமூக மேம்பாட்டிற்கான மற்றுமோர் கல். இதற்கு தமிழ் வலைபூக்கள் பெரும் பங்களிப்பை செய்வது மறுக்கமுடியாதது.

இதில் அநேகர் தம் பங்களிப்புகளை உலகத்தின் பார்வைக்கு வைப்பதால், இருளில் வைக்கப்பட்டிருக்கும் ஒரு சமூகத்தின் அவலம் வெளிச்சத்திற்கு வருகிறது. இனி வரும் காலங்களில் இம்மக்களின் வாழ்வுயர அவர்களின் முகவரி தேடி வெளிச்ச ரேகைகள் வரவிருக்கிறது என்பதை நினைக்கவே சந்தோஷமாக இருக்கிறது.

இதற்கு கோடு போடவர்களுக்கும் அதை பாதையாக மாற்றியவர்களுக்கும் அதையே இப்போது ரோடாக மாற்றியவர்களுக்கும் வரும் காலங்களில் இதை நெடுஞ்சாலையாக்க போகிறவர்களுக்கும் என் ஆத்மார்த்தமான நன்றிகளும் வாழ்த்துகளும்.

நம் பிரச்சினைகளை பேசுகிறோம் அவலங்களை முன் வைக்கிறோம் என்ன செய்யலாம் என்பது பற்றியும் கொஞ்சம் பேசுவோம்.

முதலில் நமது சமூகம் எப்படி விடுதலைபெறலாம் என்பதை பற்றி கொஞ்சம் கோடு போடலாம் இதில் அநேக விடயங்கள் தவிர்க்க முடியாத படி ஒன்றுக்கொன்று பின்னி பிணைந்திருக்கின்றன, ஒன்றை விட்டு ஒன்றை தீர்க்கமுடியாத பெரும் சிக்கல்கள் இருக்கின்றன என்பது மறக்கமுடியாது.

என் அறிவிற்கு எட்டியவரையில் எனக்கு தெரிந்தவைகளை என்ன செய்யலாம் என்று ஒவ்வொன்றாக எழுத முனைகிறேன். நம் மக்களின் சமூக அக்கறையுள்ளவர்கள் மற்றும் தலைவர்கள் கண்களில் பட்டால் கொஞ்சம் விவாதித்து பாருங்கள்.

முதலில் இம்மக்களின் வாழ்வாதாரம் நிரந்தரப்படத்தபடுல் முக்கியம்.
மலையக மக்கள் அனைவருமே பெருந்தோட்ட பயிர்செய்கை பிரிவில் அடங்குகிறவர்கள், தேயிலை, இறப்பர், மற்றும் தென்னந்தோட்டங்களில் தான் பணிபுரிகிறார்கள். இவர்களது ஊதியம் அதாவது வருவாய் என்பது ஒரு நிரந்தரமற்றது. வேலைக்கு போனால் சம்பளம் இல்லையேல் இல்லை என்ற நிலை.

பெருந்தோட்ட தொழிற்துறை அரசாங்கத்தின் கைகளில் இருந்த காலத்தில் இம்மக்கள் பொருளாதார நிலையில் தன்னிறைவை எட்டாவிட்டாலும், இல்லை என்ற சொல்லிற்கு இடமில்லாது வாழ்ந்தார்கள். அந்த காலங்களில் அதாவது 80களின் காலப்பகுதியில் இலங்கை அரசாங்கத்தை சற்று நிறுத்தி, தம்மை திரும்பி பார்க்க வைக்ககூடிய நிலையில் இச்சமூகம் இருந்தது என்றால் மிகையில்லை. நடந்த போராட்டங்கள், வேலை நிறுத்தங்கள் என்பன இதற்கு சான்றாகும்.

இதன் காரணமாக அன்றைய அரசியல் இவர்கள் வாழ்கையில் விளையாட தொடங்கியது. கொஞ்சம் கொஞ்சமாக அவர்களது வாழ்கையை அவர்களது திட்டத்தை ஆட்டி பார்க்க திட்டமிடப்பட்டது. இத்தனைக்கும் இலங்கை உலகிலேயே தேயிலை ஏற்றுமதியில் முதன்மை நாடாக திகழ்ந்தது மேலும் இலங்கை தேயிலைக்கு தான் உலக சந்தையில் நல்ல விலை கிடைத்திருந்தும்.

83ல் இடம் பெற்ற இலங்கையின் இனக்கலவரத்தில் தென் மாகாணம், ஊவா மற்றும் சப்பிரகமுவா மாகணத்தில் பெருந்தோட்ட துறையில் இருந்த தொழிலாளர்கள் அநேகர் கொலைசெய்யப்பட்டார்கள், விரட்டியடிக்க பட்டார்கள் அல்லது இடம்பெயர சூழ்நிலையால் நிர்பந்திக்கபட்டார்கள். தோட்ட உரிமையாளர்கள் தமிழராய் இருந்தபட்சத்தில் மொத்தமும் சூரையாடப்பட்டது.

இலங்கை அரசின் பொருளாதாரம் தேயிலை ஏற்றிமதியில் தங்கியிருக்க கூடாது, என்ற கருத்து அப்போதே இலங்கையில் ஆளும்வர்க்கத்தினருக்கு ஏற்பட்டிருந்தது. அதன் காரணமாக தேயிலை தோட்டங்களை தனியார் மயப்படுத்தியது…. அநேக தோட்டங்கள் மூடப்பட்டன.

பெருந்தோட்டங்களில் ஒவ்வோர் தோட்டத்திலும் அதன் விளைநில பரப்பளவிற்கு தகுந்த விகிதாசாரத்தில் தான் தொழிலாளர்கள் இருக்க வேண்டும் என்பது அடிப்படை, அப்போது தான் அங்குள்ள மக்களுக்கு மாதம் முழுவதுமாக (அதாவது 26 நாட்களும்) வேலை பார்க்க கூடிய நிலையிருக்கும். தொழிளாளர் அளவு அதிகம் ஆகும் போது அனைவருக்கும் மாதம் முழுதும் வேலை தருதல் என்பது இயலாத ஒன்றாகிறது…. தினக்கூலி என்ற அடிப்படையில் அம்மக்கள் இருக்கும் போது மாதத்தில் வேலை நாட்கள் குறைந்தால் என்ன நடக்கும் என்பது இங்கு சொல்லித்தெரிய தேவையில்லை.

ஆக இந்த நிலை அங்குள்ள நிர்வாகத்திற்கு மிகுந்த சாதகமாக மக்களை பிரித்தாளுவது என்ற ஒரு உந்து சக்தியை கொடுக்கிறது. இந்த வகையில் தோட்ட நிர்வாகத்திடம் தொழிலாளர்களின் சுதந்திரம் உரிமை என்பது முற்று முழுதாக அடகு வைக்கப்படுகிறது.

மேலும் தனியார் மயப்படுத்திய பின்னர் சிறந்த முகாமைத்துவம் மறுசீர் அமைப்பு என்பன துளியும் அற்று போய்விட்டன. மேலும் தனியார் மயப்பட்ட தோட்டங்களில் தேயிலை தவிர்ந்த மாற்று பயிர்களை தேயிலை விளை நிலங்களில் பயிர் செய்வது என்ற புதிய உத்தி கையாளப்பட்டது. ஆகவே இதனாலும் அந்தந்த தோட்டங்களில் வசிக்கும் தொழிலாளர்களின் மொத்த வேலை நாட்கள் குறையும்.

ஆக அம்மக்களின் தொடர் வருவாய் ஆட்டம் கண்டு விடும். ஆக வாழ்வியல் போராட்டத்திற்கு மத்தியில் மறுமலர்ச்சி பற்றி எப்படி ஒரு சமூகம் சிந்திக்கும்?

அதை சிறப்புற செய்து முடித்திருக்கிறது இலங்கையின் ஆளும் வர்க்கம். அதில் பெரும் சோகம் என்ன வென்றால் இம்மக்களை பிரதிநிதித்துவப்படுத்தும் கட்சிகளும் சங்கங்களும் விலை போனது தான் சோகத்தின் உச்சம்.

ஒன்றாக இருந்த தொழிற்சங்கங்கள் துண்டாடப்பட்டன. (இது வேறு கதை இதை வேறாக எழுதலாம்). போதாதற்கு அதற்குள் எத்தனை பிரிவுகள் கட்சிகள் அதற்குள் எத்தனை போட்டிகள் பொறாமைகள், தமிழினத்திற்கே சாபமாய் போன ஓற்றுமையின்மை இத்தியாதி இத்தியாதி.

என்ன செய்யலாம்?

முதலில் இம்மக்களின் ஊதியம் நிரந்தரப்படுத்தப்படல் அவசியம். அதற்கான திட்டங்கள் வகுக்கப்பட வேண்டும். மலையக மக்களின் ஸ்திரபட்ட வருவாய் என்கிற முதல் அம்சத்திற்கான வழிதிட்டங்கள் வகுக்கபடுதல் அவசியம்.

தொடரும்.......!

மாற்றம் வருகிறது.

2008-11-05T15:54:00.003+03:00

பூமி பந்தின் தலைசிறந்த ஜனநாயக நாடு என்று போற்றப்படுவதும், வாய்புகளின் இருப்பிடம் என்று கூறப்படுவதுமான அமெரிக்காவில் இன்று ஓரு புதிய மாற்றம் நிகழ்ந்திருக்கிறது… எல்லாரிடத்திலும் எல்லா இடத்திலும் இது பற்றிய பேச்சாகவே இருக்கிறது. அமெரிக்காவின் 44வது ஜனாதிபதியாக திரு. பராக் ஒபாமா என்பவர் தேர்ந்தெடுக்கபட்டிருக்கிறார்,

அமெரிக்க வரலாற்றில் ஒரு திருப்புமுனை., அமெரிக்க வெள்ளை இனத்தவர் மத்தியில் ( பரவலாக இல்லாவிட்டாலும் அது தான் உண்மை) ஒடுக்கப்பட்டு இரண்டாம் தர சமூகமாக கருதப்படும் ஒரு சமூகத்திலிருந்து அந்நாட்டை 21ம்நூற்றாண்டின்; பாதையில் நடத்தி செல்ல ஒரு தலைவனை தேர்ந்து எடுத்திருக்கிறார்கள் அந்த நாட்டு மக்கள்.

ஒரு தொலைக்காட்சி தொடரை நான் 90 களில் பார்த்திருக்கிறேன் ROOTS (வேர்கள்)என்று.
எப்படி ஆபிரிக்க கறுப்பினத்தவாகள் அமெரிக்காவிற்கு அடிமைகளாக கொண்டு வரப்படுகிறார்கள், அவர்கள் அனுபவித்த துன்பங்கள் என்ன என்ன, பின்னாளில் இவற்றிலிருந்து எப்படி இம்மக்கள் விடுதலை ஆனார்கள், எவ்வாறு அந்நாட்டின் குடிகளானார்கள் என்று இருக்கும்.

இவ்வாறு நிற வெறியினால் பீடிக்கப்படடு இருந்த அமெரிக்கர்கள் இன்று நிறம், மற்றும் சமூக வேறுபாடுகளை மறந்து இன்று ஒன்று பட்டு நிற்பதை பார்க்கும் போது கொஞ்சம் வியப்பாக தான் இருக்கிறது.

இதிலிருந்து நாம் என்ன கற்றுக்கொண்டோம் ஒடுக்கப்பட்ட சமூகம் எங்கும் எந்த காலத்திலும் ஒடுக்கப்பட்ட சமூகமாகவே வாழாது என்பதாகும்.

இன்று தொலைக்காட்சியில் காட்டப்படும் மக்களின் உற்சாகம், மகிழ்ச்சி ஆரவாரம் என்பவற்றை பார்க்கும் போது எனக்கு பெரும் வியப்பாக இருக்கிறது. அதே நேரம் மனசுக்குள் சற்று பயமாகவும் இருக்கிறது. இவ்வாறாக காட்டப்படும் பெரும் மக்கள் செல்வாக்கை கண்டு பொறாமை கொள்ளும் கயவர்களும் பாதகர்களும் இருப்பார்கள், மாற்றம் கொண்டுவர மாறுதலாய் வந்த நிற்கும் இம் மனிதனுக்கு இவர்களால், ஏதாவது ஆபத்து நேர்ந்து விடுமோ என்று.

ஏனெனில் பழைய அமெரிக்க வரலாறுகளை எடுத்து பார்த்தால் நல்ல ஆட்சியாளர்களை அந்த நாடு நெடுநாட்கள் கொண்டிருந்ததில்லை.

ஏற்கனவே செய்திகளில் ஒபாமாவை கொல்ல திட்டமிட்டார்கள் என்று கூறி இருவரை கை செய்திருப்பதாக இரு வாரங்களுக்கு முன் பி.பி.சி செய்திகளில் சொல்லப்பட்டது. அதற்கு பின் அந்த செய்தி அப்படியே இல்லாது போய்விட்டது.

எந்த தொந்தரவுகளும் ஆபத்துகளும் நேராது அமெரிக்காவின் புதிய ஜனாதிபதி தனது பதவியை ஏற்கவும், ஒடுக்கபட்ட சமூகம் என்ற பெயரில் இருந்த ஒரு இனம் புதிய யுகம் காணவும், அமெரிக்க வெளிவிவகார கொள்கைகளில் ஒரு நல்ல மாற்றம் ஏற்படவும் வாழ்த்தி நிற்போம்.!

நகைச்சுவை

2008-11-05T12:25:00.007+03:00

ஒரு சிறு மாறுதலுக்காக படித்ததில் சுவைத்ததை பகிர்ந்து கொள்ள ஆசைப்பட்டேன்
முத்துகமலம் என்ற இணையதளத்தில் நகைச்சுவை பகுதியில் படித்தது.

நன்றி தேனி.எஸ்.மாரியப்பன் - இணையத்திற்கு செல்ல

தபால்காரர் போயிட்டாரா...?

ஒருவர் பல ஆண்டுகள் தபால்காரராகப் பணிபுரிந்து ஓய்வு பெற்று அமர்ந்திருந்தார். அவரைப் பார்க்க வந்திருந்த நண்பர்,
"உன்னைப் போல அரசாங்க வேலை பார்த்து ஓய்வு பெற கொடுத்து வைத்திருக்க வேண்டும்" என்றார்.

அதற்கு அந்த தபால்காரர்,

"ஆமாம் நீதான் மெச்சிக் கொள்ள வேண்டும். தபால்காரன் வேலை ஒரு வேலையா? காலையில் தபால் ஆபிஸ்க்கு வருகிறவர்கள் "தபால்காரர் போயிட்டாரா?" என்று விசாரிக்கிறார்கள். அதாவது பரவாயில்லை... மாலையில் தபால் ஆபிஸ் வருபவர்கள் "என்ன எடுத்தாச்சா?" என்று விசாரிக்கிறார்கள்." என்று எரிச்சலோடு சொன்னார்.

இதுவரை போட்ட கணக்கு

2008-10-28T01:39:00.005+03:00

வழக்கமாக செய்திகள் தொகுத்து தரும் முறையை விட நான் ஒரு புது முறையை முயற்சித்திருக்கிறேன்
பாருங்கள்

படத்தை சொடுக்கவும்:

கேள்வி
தமிழகமெங்கும் இருந்து சேகரிக்கப்படும் பொருட்கள் உதவிகள் எல்லாம் உண்மையிலேயே அந்த மக்கள் துயர் துடைக்குமா?

அல்லது நாங்கள் பொருட்களை விநியோகிக்கும் போது விடுதலைப்புலிகள் அந்த பொருட்களை கடத்திக்கொண்டுபோய் விடுகிறார்கள், ஆகவே சீராக விநியோகிக்க முடியவில்லை என்று சொல்லி இலங்கை ராணுவம் இடைநிறுத்தி விடுமா?

அல்லது எல்லாவற்றிகும் மேலாக! பொருட்கள் வந்து சேரும் முன்னரே வடபகுதியில் முழு தமிழனும் அழிக்கபட்டு விட்டுவானா?

இனிய தீபாவளி நல் வாழ்துகள்.

2008-10-27T09:43:00.004+03:00

தரணியெங்கும்
தழைத்து நிற்கும்
அனைத்து வலைபதிவர்கள்
மற்றும் வலை திரட்டிகள், நிர்வாகிகள்
அனைவருக்கும்

எனது
இனிய தீபாவளி நல் வாழ்துகள்

வாழ்த்து!

2008-10-26T11:19:00.004+03:00

ஈழம்

2008-10-23T01:27:00.011+03:00

இன்றைய தேதியில் நம்மிடையே எல்லா செய்திகளையும் பின் தள்ளி எல்லாரிரடமும் முதலில் வந்து நிற்பது ஈழமும் ஈழத்தமிழரின் துயரமும் தான்.

உலக செய்திகளில் இந்த செய்திகள் பத்தோடு பதினொன்று தான்.

சர்வதேச அளவில் எல்லோராலும் பார்க்கப்படுகிற அல்லது அது தான் உண்மையானது என்ற ஒரு எண்ணபாட்டை ஏற்படுத்தவல்லதாக இருக்கிற அல்லது அப்படி இருப்பதாக காட்டப்படுகிற பிபிசி சீஎன்என் அல்ஜெசீரா போன்ற செய்திகளில் இலங்கைத்தமிழர் நிலை பத்தோடு பதினொன்றாக கூட இல்லை.

தமிழகத்திலும் மற்றும் தமிழர் எங்கெங்கு புலம் பெயர்ந்து வாழ்கிறார்களோ அவர்களிடத்திலும் தமிழ் வலைப்பதிவுகளிலும் தான் முழு வீச்சுடன் இருக்கிறது.

தமிழகத்திலும் கூட ஈழத்தமிழர் பற்றிய அந்த குறுந்தகட்டுக்கு பின்னர் தான் அதுவும் தமிழக முதல்வர் திரு கலைஞர் அவர்கள் அந்த குறுந்தகட்டை பார்த்து, அவர் அதிர்ச்சியில் உறைந்து போனதை குமுதம் ரிப்போட்டர் எழுதியதை பார்த்த பின்னர் தான் தமிழக மக்களுக்கு உறைத்திருக்கிறது. உறைத்திருக்கிறது என்று கூற முடியாவிட்டாலும் இலங்கை தமிழனுக்கான ஆதரவை வழங்குவதிலிருந்த அரசியல் சார்ந்த பயம் நீங்கியிருக்கிறது….

விளைவு

தமிழர் அனுதாபம் சுனாமி போல் எழுந்து விட்டிருக்கிறது. இலங்கை விவகாரத்தில் உடனே காத்திரமான ஒரு தலையீட்டை காட்ட தமிழக அரசு மத்திய அரசை நிர்பந்திக்கிற அளவிற்கு போயிருக்கிறது. இவ்ளவு நாள் இந்த அளவு முழு வீச்சை இதில் தமிழகம் காட்டவில்லையே. அதாவது தற்போது நடக்கிற யுத்தம் தொடங்கி ஏறக்குறைய எட்டு மாதங்கள் ஆகின்றன அப்போதெல்லாம் நாம் எங்கிருந்தோம், நமக்கு தெரியாதா?. சீடி வந்து தான் நமக்கு தெரியுமா?.

எது எவ்வாறாயினும் இப்போததைய இந்த அலை எந்தவொரு சுயலாபத்தையோ, அரசியல் லாபத்தையோ கருத்தில் கொள்ளாது உண்மையில் இருதய சுத்தியோடு இலங்கை தமிழரின் ஏறக்குறைய 30 ஆண்டுகால பரிதவிப்புக்கும், தொடர்ந்து கொண்டிருக்கும் கொலைகளுக்கும், மரணங்ளுக்கும், வாழ்வியல் விடிவிற்கு வழிவகுத்தால் உண்மையில் இத்தருணம் வரலாற்றில் குறிக்கப்படும் என்பது உண்மை.

இப்பதிவை எழுத வந்த நோக்கம் என்ன வென்றால் எல்லாரும் அவலங்களையும், பிரச்சினைகளையும் மட்டும் பேசுகிறோம், இதற்கான தீர்வு என்ன எனபது பற்றியும் அவர் அவர் கருத்துகளையும் கூறினால் நல்லதாக இருக்கும் என் எண்ணுகிறேன்.

அதற்காக தான் சொன்ன அல்லது சொல்கிற கருத்துகளை தான் மற்றவர்கள் ஏற்கனும், அது தான் சரி இது தான் சரி என்று நமக்குள் ஒரு சண்டை தேவையில்லை.

இது பிரச்சினையை கிளப்பிவிடுவதற்கும், நமக்குள் அதாவது தமிழ் வலைப்பதிவாளர்களுக்குள் சண்டை போடவும் அநாகரீக பின்னூட்டம் இடுவதற்கல்ல.

கருத்துகள் ஒரு சமூகத்திற்கான, ஒரு இனத்திற்கான, எதிர்கால விடிவுக்கான ஒரு சிறு கல்லாக பயன்பட்டாலே போதும் என்று எண்ணுகிறேன். எழுதும் போது தயவுசெய்து தன் மனசாட்சிக்கு முதலிடம் கொடுத்து எழுதுங்கள்.

ஒருவருடைய கருத்து மற்றவருக்கு ஒவ்வாது இருக்கலாம், ஏனெனில் எல்லாரும் ஒரே வித கருத்துகளை கொண்டிருப்பது கிடையாது ஒவ்வொருவருக்குள்ளும் வெவ்வேறு கருத்துகள் இருக்கும்.

காரணம் அவரவர் வாழ்வியல் அனுபவம் வாயிலாக பெற்ற பெறுபேறுகளை கொண்டு எழுதலாம், அப்படி தான் அநேகர் முயற்சிக்ககூடும். அநேகர் தான் வாசித்தறிந்த அல்லது கேட்டு பார்த்த இலங்கை சம்பந்நதமான விடயங்களை வைத்து அதற்கான தீர்வை சொல்லகூடும், எழுதட்டும்.!

இதில் இலங்கையிலிருந்து புலம் பெயர்ந்தவர்கள் கருத்துகள் மிகவும் உணாச்சிபொங்ககூடியதாக இருக்க வாய்பிருக்கிறது. அதிலும் இலங்கையில் நடக்ககூடிய போரை நியாயப்படத்தகூடிய வகையில் எழுதவும் வாய்ப்பிருக்கிறது, காரணம் அது அவர்களது அனுபவம் சார்ந்தது. எழுதட்டும்!

சிலர் இராணுவ நடவடிக்கைகளை நியாயப்படுத்த வாய்பிருக்கிறது காரணம் அது அவர்களுக்கு நேர்ந்த அனுபவங்களை கொண்டு அனுபவிக்கிற வாழ்வியல் அரசியல் காரணிகள் தீர்மான்க்கிற விடயமாக இருக்கலாம், எழுதட்டும்!

மேலும் சிலர் ஈழப்போராட்டதில் தங்களை ஈடுபடுத்திக்கொண்டவர்கள் என்ற நிலையிலிருந்து எழுதலாம,; எழுதட்டும்!.

இப்படி பலரும் எழுதும் போது கருத்துகள் சங்கமிக்கிறபோது ஒரு புது தீர்வு பிறக்க நிச்சயம் வாய்பிருக்கிறது. அரசியலிலும், பெரும் பதிவிகளிலும், தீர்மானம் செய்யக்கூடிய நிலைகளில் உள்ளவர்களுக்கு மக்கள் மனதறிந்து செயற்பட இம்மாதிரியான கருத்துகள் ஒரு சிறு துளியாக மாற வாய்பிருக்கிறது.

உங்கள் உங்கள் பதிவுகளிலேயே எழுதுங்கள், அனைத்தையும் திரட்டி தரத்தான் வலைத்திரட்டிகள் இருக்கின்றனவே. நிச்சயம் ஒரு நிலையில் இது அனைத்தும் மொழிபெயர்க்கப்பட்டு சர்வதேச அளவில் இலங்கை பிரச்சினை தீர்வுக்கான பேச்சு மேசையில் வைக்கப்படும்…. அப்போது மக்கள் விருப்பங்களும், கனவுகளும், ஏக்கங்களும் அவர்களின் எதிர்பார்ப்புளும் கூட தீர்வு மேசையில் ஒரு நல்ல தீர்க்கமான தீர்வை எட்ட சிறந்த காரணிகளாக அமையும்.

எங்காவது ஒரு மின்னல் கீற்று பிறக்கும் நிச்சயம் இலங்கைதமிழர் வாழ்கைக்கு விளக்கேற்றும்.

தீர்வை எட்ட என்ன செய்யலாம்…. யாரினுடைய பங்களிப்புகள் மத்தியஸ்தம் தேவை. போராட்ட குழுகளின் அணுகுமுறைகள், இலங்கை அரசின் அணுகுமுறைகள் மற்றும் இந்த இருவரை விடுத்து தமிழ் கட்சிகளின் அணுகுமுறைகள் எப்படி இருக்கலாம்… யாருடைய அல்லது எந்த நாட்டை அல்லது நாட்டின் செயற்பாடுகளை அரசியல் கொள்கைகளை ஒரு முன்மாதிரியாக கொள்ளலாம், என்பதாக எழுதுங்கள்.

மக்களுக்கான விடுதலை என்று தொடங்கி, போராட்டம், பின்னர் சண்டை பின் சமாதானம் தீர்வு என்று எத்தனையோ நாடுகள் இந்த இடர்பாடுகளிலிருந்து மீண்டிருக்கின்றன.

புலம் பெயர்ந்த தமிழன் வாழாத நாடுகளே இல்லை என்ற அளவிற்கு இன்று எங்கும் தமிழன் பரந்து வாழும் நிலையில் நல்லவைகள் எங்கிருந்தாலும் அதை ஒரு முன்மாதிரியாக எடுத்துக்கொள்வதில் தப்பில்லை என நினைக்கிறேன்.

மீண்டும் தயவாக சொல்லிக்கொள்ள விரும்புவது நமது இந்த நோக்கம் இலங்கை தமிழனின் எதிர்கால விடிவுக்கு ராமர் பாலம் கட்ட உதவிய அணிலின் சிறு துளியாக இருந்தாலே போதும் என்றுதான்.

நடந்தவைகள் அனைத்தும் நடந்தவைகளாகவே இருக்கட்டும் கடந்த நிகழ்வுகளை நமக்கான எதிர்காலத்திற்கான அனுபவமாக எடுத்துக்கொள்வோம்.

கடைசியாக உதாரணத்திற்காக ஒன்றை சொல்லி முடிக்கிறேன். ஒரு வீட்டில் ஒரே நேரத்தில் ஒரு திருமணம் ஒரு மரணம் ஒரு பூப்பெய்த விழா என நடத்தவேண்டிய கட்டாய நிலை தோன்றினால் அந்த வீட்டில் உள்ளவர்கள் எப்படி நடந்து கொண்டால் நல்லது என்று நீங்கள் கருதுவீர்கள்.

தமிழ் பற்றியும் தமிழன் பற்றியும் ரொம்பவும் ஆர்வமாக பேசுகிறோம் எழுதுகிறோம், ஏன் தெரியுமா நமக்கெல்லாம் வாழ ஒரு ஆதாரம் இருக்கிறது வேலை முடிந்து வீட்டிற்கு வந்தால் வீட்டில் மனைவி மக்களுடன் சுகமோ துக்கமோ பகிர்ந்து கொண்டு தின்று தூங்கி எழுந்து மறுநாள் மீண்டும் வேலைக்கு போவதும் வருவதுமாக இருக்க பழகிக்கொண்டோம்.

ஆனால்

இலங்கையில்ஓரு பக்கம் வடக்கில் ஒரு சமூகம் காட்டில் வாழ வழியின்றி ஆனால் ஏக்கத்தை மட்டுமே நெஞ்சில் விதைத்தப்படி அடுத்தவேளை என்பதை இருட்டில் தொலைத்து விட்டு நிற்கிறது.

இன்னொரு பக்கம் மத்தியில் ஒரு சமூகமோ இலங்கை பொருளாதாரத்தின் முதுபெலும்பாக இருந்து தன் உழைப்பால் நாட்டை உயர்த்திவிட்டு, சிறுமைப்பட்டு அடிமைபட்டு வாழ்விழந்து கிடக்கிறது.

மற்றொரு பக்கம் கிழக்கில் இன்னுமோர் சமூகத்தை பற்றிய செய்தியே வெளியில் வராத நிலையில் சொல்லமுடியாத சோகத்தோடு திண்டாடிக்கொண்டிருக்கிறது.

தமிழன் என்றாலே தீண்டதகாதவன் அல்லது புலிதான் என்ற பார்வையில் அல்லது சந்தேகத்தின்; மத்தியில் அனைத்து சமூக மக்களுமே தலைநகரில் அவதியுரும் நிலைமை நம்மில் எத்தனை பேருக்கு தெரியும்.

வலைஞர்களே வாருங்கள்…. தமிழன் நிலைபற்றி எழுதுங்கள், உங்கள் கண்ணோட்டங்களை கருத்துகளை, சாத்தியங்களை எழுதுங்கள்.

பாரதியின் பொய்யாகி போன வரிகளை மெய்யாக்க விதை விதைப்போம்…. ரொம்பவும் காலம் தாழ்திய விதைப்புதான் ஆனால் நல்ல விளைச்சளை எதிர்பார்த்து.

அந்த குறுந்தகடு

2008-10-19T16:53:00.008+03:00

இலங்கையில் என்ன நடக்கிறது என்று இப்பொழுதாவது மற்றவர்கள் தெரிந்து கொள்ள உதவிய அந்த குறுந்தகடு அதை உருவாக்கியவர்க்கும் அல்லது உருவாக்கிய உணர்வாளர்கள் அனைவருக்கும் கோடி வணக்கங்கள்!
அதை வாசிக்கவைத்த குமுதம் ரிப்போர்டருக்கும் ஆயிரமாம் நன்றிகள்.

இன்று இந்த நிலைக்கு அதாவது சீடி பார்த்து இலங்கையில் உள்ள வடக்கில் வாழும் தழிழர் நிலையை உணரும் நிலைக்கு உலகம் தள்ளப்பட்டிருப்பது பெரும் கவலையளிக்கிறது.

இலங்கை அரசின் போர் தீவிரவாத்திற்கு எதிரானதும் தீவிரவாதிகளோடும் தான் என்றால் தனது நாட்டின் மக்களை பாதிக்காத வகையில் தான் போர் நடவடிக்கைகளை மேற்கொள்ளவேண்டும் என்ற பொறுப்புடன் இருக்க வேண்டும் மற்றும் யுத்தம் குறித்த சர்வதேச விதிமுறைகளுக்கு கட்டுப்படடு யுத்தத்தை கொண்டு நடத்த வேண்டும்.

சர்வதேச அமைப்புகள், மனித உரிமை பாதுகாப்பு அமைப்புகள், சர்வதேச சமூகம், மற்றும் ஐநா போன்றவை என எல்லாம் இருந்தும் யாருமே கேட்பாரற்ற நிலையில் இலங்கையில் ஒரு இனம் வாழ வழியின்றி திக்கற்று நிற்கிறது. இன துவேஷம்; புலிகளை அடக்குகிறோம் என்ற போர்வையில் பெரும்பான்மையிடத்தில் கொழுந்து விட்டு எறிகிறது.

இலங்கை அரசு தான் நினைத்தபடி காரியங்களை செய்ய வைத்தது எது?.
இவற்றுக்கெல்லாம் பிராந்தியம், அரசியல், அப்படி இப்படி என்று பெரும் வியாகியானங்களோடு எது சொன்னாலும் என்ன ஆராய்ச்சி செய்தாலும், முதல் காரணியாக இருப்பது தமிழனின் ஒற்றமைதான்.

ஒரு காலகட்டத்தில் இலங்கையில் தமிழ் கட்சிகள் எல்லாம் அரசாங்கத்திலே எதிர் கட்சி என்ற பலத்தோடு இருந்தது என்பதை எல்லாரும் மறந்திருக்க மாட்டார்கள். அப்படி இருந்த இனம் இன்று சிடி மூலம் உலகுக்கு தன் நிலை தெரிவிக்க வேண்டிய நிலைக்கு வந்திருப்பது ஏன்? நமக்குள் ஒற்றுமை இல்லாது போனது தான்.

ஒரு வாதத்திற்காக இப்படி எடுத்துகொண்டு யோசித்து பாருங்கள் ஒரு வேளை இலங்கை அரசே சுய நிர்ணய உரிமை அல்லது தனி நாடு என்று நமக்கு கொடுத்திருந்தாலும் கூட நாமே நமக்குள் நீயா நானா, நீ வந்தாயா அல்லது நீ கேட்டாயா? நீ பெரியவனா நான் பெரியவனா அல்லது என் ஜாதி உன் ஜாதி என்று நமக்குள்ளே அடிபட்டு கிடந்திருப்போம். சற்று ஆழமாக யோசித்தால் இது தான் உண்மை. இந்த வேளையில் இதை சொல்வது வேதனைதான் ஆனாலும் இந்த சூழலுக்கும் இப்போதைய வேதனைக்கும் தள்ளப்பட இந்த ஒற்றுமையின்மை தானே காரணம்.

நாமெல்லாம் ஒற்றுமையாக இருந்திருந்தால் இது நடக்குமா?
போதாதற்கு புலம் பெயர்ந்து வாழும் ஐரோப்பிய நாடுகளில் நாம் செய்யும் அட்டகாசம் கொஞ்சமா?.... வெளிவரும் செய்திகளை பார்க்கும் போது நமக்கே வெட்கமாக இருக்கிறது. கோயில்கள் பெயரால், ஜாதிகள் பெயரால் என இப்படி நாம் பலவழிகளில் முட்டி மோதிக்கொள்கிறோமே!........ யார் சிந்திப்பது
வேண்டாம் நமக்குள் வேறுபாடுகள்!

எட்டுதிக்கெங்கிருந்தும் ஆதரவு குரல் வரட்டும் தமிழன் தலை மீண்டும் நிமிரட்டும் இலங்கை மண்ணில்.

நமது பூமி!

2008-08-30T17:25:00.010+03:00

நாம் வாழும் பூமியை பால்வீதியில் இருந்து பார்த்தால் எப்படி தெரியும் என்ற கேள்விக்கு விண்வெளி வீராங்கனை சுனிதா வில்லியம் எடுத்த படங்கள் கீழே.
இரவில் நமது பூமி எப்படி தெரிகிறது என்று பாருங்கள்.

கலைஞனுக்கு அஞ்சலி,

2008-08-29T11:17:00.007+03:00

நண்பர்களே!

இலங்கையின் இசைத்துறையில் எல்லாருக்கும் பரிச்சயப்பட்ட ஒரு கலைஞன் திரு. நேசம் தியாகராஜா எம்மை விட்டு இம்மண்ணைவிட்டு பிரிந்து விட்டார்.

செய்தி- தென்றல் தொலைகாட்சி.

இவர் புலம் பெயர்ந்து வாழும் அனைத்து இலங்கை இசைக்கலைஞர்களுக்கும் அறிமுகமும் பரிச்சயமானவர். கர்நாடக சங்கீத கலைஞனாக இருந்தபோதும், மேலைதேய தாள வாத்தியமான ட்ரம்ஸ் வாத்தியத்தில் வித்தகர், புகழுக்கு சொந்தகாரர் என்றால் மிகையில்லை.

ஏறக்குறைய 30 ஆண்டுகளுக்கு முன்னால் கண்ணண் நேசம் என்ற இரட்டை இசையமைப்பாளராக இருந்து இலங்கையின் மெல்லிசைக்கு பெரும் பங்களிப்பை செய்தவர், நம் தேசத்திற்கேயுரிய பொப் இசைபாடல்கள் அநேகத்திற்கு இசையமைப்பாளர்.

கண்ணன் நேசம் அதே பெயரில் இசைக்குழுவாகவும் அந்த காலப்பகுதியில் பெரும் பிரபல்யம் பெற்றவர். இலங்கையின் மிகம்பிரபலம் பெற்ற சுப்பர் ஸ்டார் என்ற குழுவின் பிரதான ட்ரம்ஸ் வாத்திய கலைஞராக இருந்தவர். மேலும் பல இசைக்குழுக்களில் பங்காற்றியவர்.

இலங்கையில் சிங்கள மொழி இசைக்கு தனது பெரும் பங்களிப்பை செய்தவர் என்றால் தவறில்லை. எனக்கெல்லாம் முன்மாதிரியாயக இருந்தவர்,

கடந்த வாரம் இலங்கையில் உள்ள பண்டாரநாயக்கா ஞாபகார்த்த மாகாநாட்டு மண்டபத்தில் ஒரு இசைநிகழ்சிசியில், மேடையில் இருந்துபோது தான் அவருக்கு இந்த மரணம் நேர்ந்திருக்கிறது. ஒரு கலைஞனுக்கு கிடைத்தற்கரிய, பெருமைமிக்க மரணம், ஆனால் அவரது குடும்பத்திற்கு அவரை சார்ந்தவர்களுக்கு, ஈடு செய்ய முடியாத இழப்பு.

அவரோடு சேர்ந்து 90 களில் ஒரே மேடையில் இசைநிகழ்சிகள் செய்யதவன் என்ற அளவில் புலம் பெயர்ந்து உலகம் முழுதும் வாழும் எண்ணற்ற இலங்கை இசைக்கலைஞர்கள் சார்பாக அன்னாரின் ஆத்மா சாந்தியடையவும், அவரைபிரிந்து வாடும் அவரது குடும்பத்தாருக்கு ஆறுதல் கிடைக்கவும் எல்லாம் வல்ல இறைவனை பிராத்திப்போம்.

வடை திருடிய காகம்

2008-08-28T14:08:00.013+03:00

நாமெல்லாம் சின்ன வயதில் பாட்டி வடை சுட காகம் தூக்கிகொண்ட போன கதை கேட்டிருக்கிறோம்.
எனக்கு மின் அஞ்சலில் வந்த நவீன வடை திருடல்
பற்றிய கதையை பாருங்கள்….

படம் 1

படம் 2

படம் 3

படம் 4

படம் 5